ТАҶЛИЛИ ҶАШНИ ҒАЛАБА
Бахшида ба 77 – солагии Ғалабаи Иттиҳоди Шӯравӣ дар Ҷанги Бузурги Ватанӣ дар толори фарҳанги ноҳияи Тоҷикобод ҷамъомади тантанавӣ бо иштироки собиқадорони меҳнат, роҳбарони ташкилоти муассиса ва фаъолон доир гардид. Дар оғози чорабинӣ раиси ноҳия Фақерзода Қадриддин ҳозиринро ба муносибати ғалаби бузург аз номи роҳбарияти ноҳия табрик намуда, аз саҳми падарону бобоёни мо барои ба даст овардани Ғалаба бар фашизм ёдоварӣ намуд. Зимни суханронӣ зикр гардид, ки аз қаламрави ноҳияи Тоҷикобод ду нафар – Қудрат Қаюмов ва Ҳайдар Қосимов ба даст овардани унвони ифтихории Қаҳрамони Иттифоқи Советӣ боиси ифтихори ҳамдиёрон мебошад.
Дар рафти чорабинӣ аз номи мақомоти иҷроия раиси Шӯрои ветеранҳои ҷангу меҳнат Абдусамад Идрисов ба як қатор собиқадорони меҳнат туҳфа ва мукофотҳои молӣ тақдим карда шуд. Дар поёни чорабинӣ дастаи ҳунармандони шуъбаи фарҳанги ноҳия бо суруду таронаҳо дар васфи Ватани маҳбуб хотири ҳозиринро шод намуданд.