12.05.2023
Муовини Сарвазири Ҷумҳурии Тоҷикистон Зиёзода Сулаймон бо сафари корӣ ба ноҳияи Тоҷикобод ташриф оварда, ба рафти кишту кори баҳорӣ, аз ҷумла рафти кишти картошка аз наздик шинос шуд.
Намояндаи баландмақоми Ҳукумати Ҷумҳурии Тоҷикистон бо роҳнамоии раиси ноҳия муҳтарам Фақерзода Қ. А аз идомаи кишти картошка дар шафати шоҳроҳ ва мавзеи баландкӯҳи Регак дидан намуда, бо деҳқонону механизаторон суҳбату мулоқотҳо доштанд.
Муҳтарам Зиёзода Сулаймон ба масъулини соҳаи кишоварзӣ аз ҷумла роҳбарони хоҷагиҳои деҳқонӣ дастур доданд, ки давраи кишт ба талаботи агротехникӣ риоя намуда, дар муҳлати пешбинишуда дуранмои кишти картошкаро дар ноҳия иҷро намоянд.
Дар ин сафар муовини Сарвазирро Раиси Кумитаи бехатарии озуқавории назди Ҳукумати Ҷумҳурии Тоҷикистон муҳтарам Файзуллозода Маҳмадсаид ва муовини Директори Агентии беҳдошти замин ва обёрии назди Ҳукумати Ҷумҳурии Тоҷикистон муҳтарам Зуҳурзода Баҳрулло ҳамроҳӣ доштанд.